കവിത
പുനർജനി
പ്രാണൻ നിറുത്താൻ ജലത്തിൽ വീണു
പണിപ്പെടുന്നോരെറുമ്പു പോൽ,.
കരഞ്ഞുകരഞ്ഞു ഉൾക്കണ്ണീരു
പതിച്ചെരിയാ കനൽ നിലനില്കവേ!
നിഷേധങ്ങൾ വാശിയായ് മാറിയതു
വിഷമം മറയ്ക്കാനായിരുന്നു !
കൂരമ്പേറ്റു പിളർക്കാത്ത നെഞ്ചതാ
കരിങ്കല്ലായി തീർന്നിരുന്നു,
കൺകളിൽ ഉള്ളിലൊരുകുടം നീര്
തുളുമ്പാതെ മൂടിവച്ചു,
വന്യമായൊരാഴി കൂട്ടി അകമേ
പുനർജ്ജനികാൻ കേണിരുന്നു.
മന്ത്രവടിയാൽ ആരോ ഒരിക്കലൊരു
താന്ത്രിക ജാലം തീർത്തിരുന്നു.
ആ പുനർജ്ജന്മം തീർത്തൊരു ലോകേ
അപ്സരസ്സായവൾ മാറി !
ഗന്ധർവവാടിയാം ആ പറുദീസയിൽ
ഗന്ധംപരത്തും പുഷ്പമായി.
ഉണരാതെ കാണും സ്വപ്നമെന്നാകിലും
ഉണ്മയാണെന്നവൾ കാത്തു:
കടമകളെല്ലാം ഇട്ടെറിഞ്ഞുംകൊണ്ട്
ആടിയും പാടിയും നിന്നു :
താന്ത്രികശക്തിക്കൊരന്ത്യമുണ്ടെന്നറിഞ്ഞീലാ :
കൈക്കുമ്പിളിൽനിന്നൂർന്നിറങ്ങുന്ന
സകലമാകും പ്രത്യാശകളും !
പരന്നു കിടക്കുമീ ഭൂമിപ്രതലത്തിൽ
തീരാകനവുകൾ ബാക്കിയാക്കി,
പുനർജ്ജനിക്കുന്നോരു ലോകത്തിലും
ഹനിക്കപ്പെടും മനോരാജ്യങ്ങൾ !!
ഡോ. സുകേഷ്... https://www.blogger.com/blog/posts/3147672121396187900
No comments:
Post a Comment