ബ്രേക്കിങ്ങ് ന്യൂസ് (ഹാസ്യം) ബിപിൻ ആറങ്ങോട്ടുകര.

ഹാസ്യം

ബ്രേക്കിങ്ങ് ന്യൂസ് 

ബിപിൻ ആറങ്ങോട്ടുകര.

1.

നാലാം ഘട്ട ലോക്ക് ഡൌൺ    കൂടുതൽ ഇളവുകളോടെ മെയ് 31 വരെ...

ഇളവുകൾ വിത്ത് കൊറോണ !

2.

സി.പി.എം സൈബർ ആക്രമണം നേരിടാൻ യുവ എം.എൽ എ മാരുടെ നിരയുമായി കോൺഗ്രസ് സൈബർവിങ്ങ് രൂപീകരിച്ചു... വാർത്ത:

സംഗതിയൊക്കെ കൊള്ളാം

ദയവു ചെയ്ത്  

സട കുടയരുത്!

3.

കേന്ദ്ര ധനമന്ത്രി കോവിഡ് ധനസഹായ പാക്കേജിന്റെ വിവിധ ഘട്ടങ്ങൾ വിശദീകരിച്ചു:

അടുത്ത പാക്കേജുമായി വേഗം വരണം

വിൽക്കാൻ വല്ലതും ബാക്കിയുണ്ടെങ്കിൽ,

അതും വിൽക്കണം..!

4.

കോൺഗ്രസ് നേതാക്കൾ പത്ര സമ്മേളനം നടത്തി:

എന്തിന് എന്ന് ജനം !

5.

മെയ് 19- മുൻ മുഖ്യമന്ത്രി E.K. നായനാർ ദിനം

സരസമായ രാഷ്ട്രീയ നൈർമ്മല്യം...

ചിരിയുതിരും നിഷ്കളങ്കത !

6.

ബീവറേജ് ഔട്ട് ലെറ്റുകൾ തുറക്കുന്നു... വാർത്ത:

തുറന്നാലും കിക്ക്

ഇല്ലെങ്കിലും കിക്ക്!

7.

മാറ്റി വെച്ച പരീക്ഷകൾ നടത്താനുള്ള തീരുമാനം കേന്ദ്ര നിർദ്ദേശ പ്രകാരം മാറ്റുന്നതായി മാധ്യമങ്ങളിൽ അറിയിപ്പ്.

സംസ്ഥാനങ്ങളുടെ അപേക്ഷ പ്രകാരം പരീക്ഷകൾനടത്താൻ കേന്ദ്രാനുമതി എന്ന് വീണ്ടുംവാർത്ത:

ഇതു തന്നെ വലിയ പരീക്ഷയായല്ലോ എന്ന് കുട്ടികൾ !

8.

ലാലേട്ടന് 60 വയസ്.

ആരാധകരുടെ ആശംസാ പ്രവാഹം...

നടന വിസ്മയത്തിന്റെ

അറുപതാണ്ടുകൾ

മലയാളിയുടെ സ്വകാര്യ അഹങ്കാരം!

9.

സേവനങ്ങൾക്കായി ഇനി പഞ്ചായത്ത് ,നഗരസഭ ഓഫിസുകളിലേക്ക് പോകേണ്ടതില്ല.

തദ്ദേശ വകുപ്പ്

എല്ലാം ഓൺലൈൻ സർവീസുകളാക്കുന്നതായി വാർത്ത:

അത് പറ്റില്ല.

നടന്നു നടന്ന് ചെരുപ്പ് തേഞ്ഞാലേ ഒരു സുഖമുള്ളൂ!

10.

ശരിയായ പ്രതിരോധ മാർഗ്ഗങ്ങൾ സ്വീകരിക്കാതെ

ആശുപത്രികളിലും വ്യാപാര സ്ഥാപനങ്ങളിലും ജനങ്ങൾ തിക്കിതിരക്കുന്നതായി വാർത്ത: 

''ഞാൻ മുൻപേ

നീ പിമ്പേ"എന്നാണല്ലോ നമ്മുടെ രീതി

കണ്ടാലും കൊണ്ടാലും പഠിക്കരുതേ!

21.05.2020

ബിപിൻ ആറങ്ങോട്ടുകര.