അവൾക്ക് അത്‌ഭുതമായി. ഒപ്പം,ഒരേ വണ്ടിയിൽ ആളുകൾ  യാത്ര ചെയ്തിരുന്നെന്നു  പറഞ്ഞത്.മുഖം മറയ്ക്കാതെയാണ് മനുഷ്യർ നടന്നിരുന്നെന്നു പറഞ്ഞപ്പോൾ.

     ആയിരക്കണക്കിനാളുകൾ പങ്കെടുത്തുകൊണ്ടാണ് കല്യാണങ്ങൾ നടന്നിരുന്നെന്നു കേട്ടപ്പോൾ.

പതിനായിരക്കണക്കിനാളുകളുടെ പ്രകടനവും പൊതുയോഗവും നടന്നിരുന്നെന്നു പറഞ്ഞപ്പോൾ,അവൾ ശരിക്കും ചിരിച്ചു.

ജനസഞ്ചയങ്ങളുടെ സാന്നിദ്ധ്യത്തിൽ ഉത്സവങ്ങൾ നടന്നിരുന്നെന്നു പറഞ്ഞപ്പോൾ,അവൾ തലയറഞ്ഞു ചിരിച്ചു.

   വീട്ടിലൊരു മുറിയിൽ ആളുകൾ ഒന്നിച്ചു കിടന്നിരുന്നെന്നു പറഞ്ഞപ്പോൾ അവൾ എന്നെ വല്ലാതെ കളിയാക്കി ചിരിച്ചു.വീട്ടിലുള്ളവർ ഒന്നിച്ചിരുന്ന് ഭക്ഷണം കഴിച്ചിരുന്നെന്നു പറഞ്ഞപ്പോൾ അവളെന്നെ അവിശ്വാസത്തോടെ തുറിച്ചുനോക്കി. ദേഷ്യംവന്ന് അവളുടെ കൈയിൽ പിച്ചിയപ്പോൾ ഉടനെ അവൾ,ഞാൻ പിച്ചിയ ഇടത്ത് സാനിറ്റയിസർകൊണ്ട് തുടച്ച്,മറന്ന അകലം പാലിച്ചു കൊണ്ട് നടന്നു.

🔵

പിഞ്ചുകുഞ്ഞിനെപ്പോലെ,

പൊട്ടിച്ചിരിക്കുക

സ്ഥകാലബോധമില്ലാതെ,

കാത്തുനിൽക്കുക,

വേരുമുളയ്ക്കും  വരെ,

പൊട്ടിക്കരയുക,

പെരുമഴയിലാരും

കാണാതെ,

സൂക്ഷിച്ചു വയ്ക്കുക,

ഒരിക്കൽമാത്രം

നഷ്ടപ്പെടുത്താനായി,

പകർന്നു കൊടുക്കുക,

അളവുപാത്രങ്ങളില്ലാതെ

കൂട്ടാവുക

കൈവിട്ടുപോകുമെന്നറിഞ്ഞു കൊണ്ട്

ഉറങ്ങുക

സ്വപ്നത്തിലെങ്കിലുംസ്വസ്ഥമായി

ഉപേക്ഷിക്കുക,

അഹങ്കാരത്തിൻെറ

കടുന്നൽക്കൂടുകളെ.

കാവലായിരിക്കുക

സത്യത്തിനും,

നന്മയ്ക്കും

വേണ്ടിമാത്രം

ചേർത്തുവെയ്ക്കുക

ജീവിതച്ചുഴികളിൽ

പ്പെട്ടുഴലുമ്പോൾ

താങ്ങായിരുന്നവരെ

ഇതിനു മുമ്പും അയാളിവിടെ ഉണ്ടായിരുന്നല്ലോ?

അന്നൊന്നും എന്തേ അയാളിൽ പ്രണയം തോന്നിയില്ല?

അവളുടെ കണ്ണുകൾ സ്വയം പിറുപിറുത്തു.

അയാളുടെ എന്തു ഗുണമാണ് ഉള്ളിൽ സ്നേഹ സ്ഫുലിംഗങ്ങൾ ഉണർത്തി വിട്ടത്?

ആ മാധുര്യമുള്ള വാക്കുക്കൾ?സുന്ദരരൂപം? അതോ ജോലിയിലെ ആത്മാർത്ഥതയോ?

അതുമല്ലെങ്കിൽ പക്വത ?

ആർക്കറിയാം - ആ കണ്ണുകൾ പരസ്പരം പറഞ്ഞു.

ഉറക്കത്തിലും കൺമുൻപിൽ തെളിയുന്നത് വശ്യമായ ആ രൂപം തന്നെ!

അയാളെ കാണുമ്പോൾ മാത്രം വിടരുന്ന സൂര്യകാന്തികളാണ് നാമിപ്പോൾ .... 

അവർ പരസ്പരം പുഞ്ചിരിച്ചു.. 

അതേ സമയം അയാളുടെ കണ്ണുകൾ ഒരു തത്ത്വജ്ഞാനിയുടെ മട്ടിൽ പറയുന്നുണ്ടായിരുന്നു. :-

'ഒരു കന്യകയുടെ കണ്ണിനു മാത്രമല്ല പ്രണയത്തിന്റെ ഭാഷയുള്ളത്.

അതു കാണാനുള്ള കണ്ണാണ് നമുക്ക് വേണ്ടത് '.

വർത്തമാനത്തിന്റെ തിക്കിത്തിരക്കിനിടയിലും രണ്ടു പേരുടെയും കണ്ണുകൾ ഇടയ്ക്കൊക്കെ വഴിയരികിൽ കണ്ടു മുട്ടും.

അവിടെ കാര്യമായ വാമൊഴികളൊന്നും ഉതിരാറില്ല. ചില അന്വേഷണങ്ങൾ മാത്രം - എന്തേ ഇന്ന് വൈകി ?എന്താണവിടെ എഴുതിക്കൊണ്ടിരുന്നത്?

എന്നിങ്ങനെ ചിലത്.

പരമ്പരാഗത കുറിമാനങ്ങളോ സൈബർ യുഗത്തിലെ വരമൊഴികളോ അവിടെ കണ്ടെത്താനായില്ല.

എങ്കിലും അവരുടെ പൂങ്കാവനത്തിൽ ഓരോ ദിനവും പൂക്കൾ വിടരുന്നത് ആകണ്ണുകൾ കണ്ടു.

 ടി.പി.ശശികുമാർ ,ഉത്രാടം വീട്

അമരമ്പലം - Po

മലപ്പുറം ജില്ല

679332 PIN