ലേഖനം കെഎൻ കുട്ടി കടമ്പഴിപ്പുറം ഇന്ത്യാ ചരിത്രത്തിൽ ഗോത്ര സാമ്രാജ്യങ്ങളുടെ തിരോധാനം - ഇന്ത്യയുടെ യഥാർത്ഥ രാഷ്ട്രീയ ചരിത്രം ആരംഭിക്കുന്നത് അനാര്യ വിഭാഗമായ നാഗൻമാരുടെ അഥവാ ആദിവാസി സമൂഹത്തിൻ്റെ ഉദ്ഗമനത്തോടു കൂടിയാണ്. ആരാണ് ഈ നാഗൻ മാർ എന്ന അന്വേഷണത്തിലേക്ക് കടക്കുമ്പോഴാണ് ചരിത്രത്തിൻ്റെ വിശാല കവാടം മലർക്കേ തുറക്കപ്പെടുന്നതായി കാണുന്നത്. അവർ ഒരു കാലത്ത് അതിശക്തരും പരിഷ്കൃതരുമായ സമൂഹമായിരുന്നു. ഋഗ്വേദത്തിലെ പരാമർശങ്ങൾ വച്ചു നോക്കുമ്പോൾ അവർ ഒരു പ്രാചീന ജനതയായിരുന്നുവെന്ന് മനസ്സിലാക്കാൻ കഴിയും.അവർ, ശക്തി പ്രാപിച്ചു കൊണ്ടിരുന്ന വിഭാഗങ്ങളേക്കാൾ ശക്തർ തന്നെയായിരുന്നു.1 നാഗൻ മാർ പരിഷ്കൃതരും ശക്തരുമായിരുന്നു എന്നു മാത്രമല്ല, അവർ മുൻ വർഷങ്ങളിൽ ഇന്ത്യയുടെ വിവിധ ഭാഗങ്ങളിൽ ആധിപത്യം സ്ഥാപിക്കുകയും ചെയ്തിരുന്നു. ഒരു കാലത്ത് ഇന്ത്യയാകമാനം വ്യാപിച്ചുകിടന്നിരുന്ന ഒരു ജനതയാണ് ഉത്തരേന്ത്യയിലെ നാഗൻമാരും ദക്ഷിണേന്ത്യയിലെ ദ്രാവിഡ രും. രണ്ടും ഒരേ വർഗ്ഗക്കാർ തന്നെയായിരുന്നു. ദസ്യു എന്നും ദാസരെന്നും ഋഗ്വേദത്തിലും മറ്റും പരാമർശിക്കപ്പെട്ടിരുന്ന അക്കൂട്ടർ ഒരേ വർഗ്ഗക്കാർ തന്നെ. ചെന്താരശ്ശേരിയുടെ 'ഇന്ത്യാ ചരിത്രത്തിലെ ചതിക്കുഴികൾ' എന്ന പുസ്തകത്തിൽ ഗോത്ര സാമ്രാജ്യങ്ങളുടെ തിരോധാനം എന്ന ഭാഗത്ത് അദ്ദേഹം എഴുതിയതാണ് മുകളിലെ പ്രസ്താവന.ഡോ.അംബേദ്കറുടെ Riddle of Hindu is m എന്ന കൃതിയാണ് ഈ ഗ്രന്ഥരചനയ്ക്ക് അദ്ദേഹത്തിന് പ്രചോദനം നൽകിയത്.ഗ്രന്ഥരചനയുടെ തുടക്കത്തിൽ അദ്ദേഹം പറയുന്നത് ഇങ്ങനെ - രാഷ്ട്രീയ ലാക്കോടെ ചരിത്രത്തെ വികൃതപ്പെടുത്തിയവരുടെ വഴി എനിക്കലർജിയാണ്! സ്വന്തം നാട്ടുകാരിൽ ഒരു വിഭാഗത്തെ വരത്തൻ ആക്കുകയും അവർക്ക് ശ്രേഷ്ഠൻ എന്നർത്ഥമുള്ള ആര്യൻ ലേബൽ നൽകി പൊങ്ങച്ചക്കാരാക്കുകയും സഹോദര വർഗങ്ങളെ അടിച്ചമർത്തുവാൻ വഞ്ചന പ്രയോഗിക്കുകയും ചെയ്തത്, ദൈവത്തിൻ്റെ പേരിൽ കള്ളക്കഥകൾ ചമച്ച് അതിന് പുരാണങ്ങൾ എന്ന് പേരിട്ടത്, നീതിമാനായ മഹാബലിയെ അകാരണം നിഷ്കാസനം ചെയ്തത്, താപസം നിഷേധിക്കപ്പെട്ട വർണ്ണ ബാഹ്യ നായ ശംബുകമുനി കുമാരനെ നിഷക്കരുണം കാലപുരിക്കയച്ചത്, മഹാഭാരത യുദ്ധത്തിൽ സൂര്യനെ മറച്ച് ചതി പ്രയോഗം നടത്തിയത്, അവതാര പുരുഷൻ്റെ പേരിൽ ചാതുർവർണ്യം മയാ സൃഷ്ടം എന്ന് ഏറ്റു പറച്ചിൽ നടത്തിയിട്ട് ജാതി വ്യവസ്ഥക്ക് ദൈവീകമായ അംഗീകാരം നേടുവാൻ ശ്രമിച്ചത്... ഇവയെല്ലാം പൗരാണിക മാണെങ്കിൽ, ആധുനിക ചരിത്രത്തിലെ ചതിക്കുഴികൾക്കന്തമില്ല. പ്രാചീന കാലത്ത് ഇന്ത്യയുടെ തിരുനെറ്റിയിൽ പ്രശസ്തിയുടെയും പ്രതാപത്തിൻ്റെയും തിലകക്കുറി ചാർത്തിയതിൻ്റെ ബഹുമതി നാഗവർഗ്ഗത്തിനു മാത്രമായിരുന്നു. അവരത്രേ ഇന്ത്യയെ ലോകത്തിനു മുന്നിൽ ഉയർത്തിപ്പിടിച്ചത്.അക്കാലത്ത് രണ്ട് ജനത മാത്രമാണ് ഇന്ത്യയിൽ ഉണ്ടായിരുന്നത്.നാഗൻമാരും ഇൻഡോ- ആര്യൻമാരും.ഇൻഡോ- ആര്യരെന്ന് വിവക്ഷിക്കുന്നത് ശ്രേഷ്ഠ വിഭാഗമെന്ന് സ്വയം നിഗളിച്ചിരുന്ന ത്രൈവർണ്ണികരും അവരുടെ സങ്കരവർഗ്ഗങ്ങളുമാണ്. ആര്യൻ എന്നൊരു മനുഷ്യവർഗ്ഗമേ ഇല്ലായിരുന്നു എന്ന ചരിത്ര സത്യം വിസ്മരിക്കാതിരിക്കുക.നാഗൻമാരാണെ ത്രൈവർണ്ണി കേതരരാണ്.അനന്തരകാലത്ത് ഇന്ത്യയിൽ അനേക ജനവിഭാഗങ്ങൾ തമ്മിൽ നടന്ന സങ്കര വൈവാഹിക ബന്ധങ്ങളാണ്. [4/24, 8:25 AM] Kutty Kadam: ചരിത്രത്തിൻ്റെ നടപ്പാതകളിൽ രൂപം നൽകിപ്പോരുന്ന ചതിക്കുഴികൾ ആധുനികരുടെ അറിവിൽ പുത്തരിയല്ലെന്നും അധികാരം കയ്യടക്കുന്നതിനും അതിനെ സ്ഥിരമായി നിലനിർത്തുന്നതിനും സ്വാർത്ഥതയുടെ പ്രേരണയാൽ അന്യരെ നിരാലംബരാക്കാൻ തോണ്ടുന്ന ചതിക്കുഴികൾ, ചില പാദരക്ഷകൾ ഭരണഘടന വാഗ്ദാനം ചെയ്തിട്ടുണ്ടെങ്കിലും അവ നടപ്പിലാക്കാതിരിക്കാൻ വെട്ടുന്ന ചതിക്കുഴികൾ ഇങ്ങനെ എണ്ണമറ്റ ചതിക്കുഴികളുടെ ആകെത്തുകയായി മാറിയിരിക്കുകയാണെന്നാണ് ചെന്താരശ്ശേരിയുടെ ഉറക്കെയുള്ള പ്രസ്താവന. നമ്മുടെ സാമൂഹ്യ-സാംസ്കാരിക, രാഷ്ട്രീയ ചരിത്രങ്ങളിൽ ചിലതിൻ്റെ ഉള്ളറകളിലേക്ക് മിന്നാമിനുങ്ങിൻ്റെ ഒരു മിന്നായം കടത്തിവിടുകയാണെന്ന് കൃത്യം മാത്രമാണ് ഈ കൃതിയിലൂടെ അദ്ദേഹം നിർവ്വഹിച്ചത്. [4/24, 8:26 AM] Kutty Kadam: ഇന്ത്യയുടെ യഥാർത്ഥ രാഷ്ട്രീയ ചരിത്രത്തിന് തുടക്കമിട്ടത് തന്നെ മഗധയുടെ ഉദ്ഗമനത്തോടെയാണ്. ബീഹാറിൽB C 642 ലാന് മഗധ എന്നൊരു നാഗരാജ്യത്തിൻ്റെ ഉദ്ഭവം നടന്നത്.ശിശുനാഗൻ എന്ന ആദി ഇന്ത്യൻ വംശജനാണ് മഗധയുടെ സ്ഥാപകൻ. അദ്ദേഹം എളിയ നിലയിൽ ആരംഭിച്ച രാജ്യം ക്രമേണ വികസിച്ച് നാഗരാജ്യമായിത്തീർന്നു. കോസല വും മഗധയുടെ കീഴിലെത്തി.മഗധബിംബി സാരൻെറ കാലത്താണ് സാമ്രാജ്യ പദവിയിലെത്തിയത്.അതിൻ്റെ ആസ്ഥാനമായ ഗിരി വ്രജകം പിന്നീട് രാജഗൃഹമെന്നും പാടലീപുത്രമെന്നും പരിവർത്തിക്കപ്പെട്ടു.കാബൂൾ നദി, ബ്രഹ്മപുത്ര, ശ്രീനഗർ, ശ്രീരംഗപട്ടണം ഇവയുടെ മധ്യത്തിലുള്ള പ്രദേശമാകെ വ്യാപിച്ചിരുന്ന രാജ്യമാണ് മഗധ .ശിശു നാഗരാജ വംശം BC 413 വരെ അധികാരത്തിലിരുന്നു. അന്ന് അധികാരം കയ്യാളിയിരുന്നത് മഹാ നന്ദനായിരുന്നു' എന്നാൽ അധികാര വടംവലിയുടെ ഭാഗമായി മഹാനന്ദനെ സ്ഥാനഭ്രഷ്ടനാക്കിക്കൊണ്ട് നന്ദൻ എന്ന ശക്തൻ ചക്രവർത്തിയായി. നന്ദരാജവംശം BC 312 വരെ അധികാരം നടത്തി.നന്ദവംശത്തിൽ അജാതശത്രു, ഉദയനൻ, നന്ദി വർമ്മൻ, മഹാനന്ദൻ, മഹാപദ്മ നന്ദൻ, മുതലായവർ ഭരണാധികാരികളായിട്ടുണ്ട്. അജാതശത്രു വിൻ്റെ കാലത്ത് (BC 483) ൽ ഗൗതമ ബുധൻ പരി നിർവാണം പ്രാപിച്ചത് ഒരു പ്രധാന സംഭവമാണ്. മഹാപന്മ നന്ദനും അദ്ദേഹത്തിൻ്റെ എട്ടു പുത്രൻമാരും നവ ന ന്ദൻ മാർ എന്ന് അറിയപ്പെട്ടു. അവർ മൊത്തം ഒരു നൂറു വർഷക്കാം രാജ്യഭരണം നടത്തി.അവസാനത്തെ ചക്രവർത്തിയായ ധനന്ദൻ, അലക്സാണ്ടർ ചക്രവർത്തിയുടെ സമകാലിക നായിരുന്നു. BC 327 ൽ ആയവന ധീരനെ നേരിടുന്നതിൽ ധൈര്യം പ്രകടിപ്പിച്ചത് പോറസും ഈ മഗധ ചക്രവർത്തിയുമായിരുന്നു. നന്ദ ചക്രവർത്തിയ്ക്കാ സ്ഥാനഭ്രഷ്ടനാക്കപ്പെട്ട ത്രൈ വർണികേതര നായ ചന്ദ്രഗുപ്തനും തൻ്റെ തോഴനായ കൗ ടില്ലനെന്നു മാറ്റപ്പേരുള്ള വിഷ്ണു ഗുപ്തൻ അഥവാ ചാണക്യതെന്ന വിപ്രനും ഗൂഡ പ്രവർത്തനത്തിലൂടെBC 321 ൽ നന്ദ സാമ്രാജ്യം പിടിച്ചടക്കി. അലക്സാണ്ടറുടെ ചരമാനന്തരം, ഇന്ത്യയിലെ ചില മഹാ രാജാക്കൻമാരെ ചന്ദ്രഗുപ്തൻ എന്ന വിക്രമാദിത്യൻ പരാജയപ്പെടുത്തുകയും അവരുടെ രാജ്യങ്ങളെ മഗധയോട് ചേർക്കുകയും ചെയ്തു. ചന്ദ്രഗുപ്തൻ ഒരു മയൂരപാലകനായിട്ടാണ് ജീവിതമാരംഭിക്കുന്നത്. അവസാനം സ്വപ്രയത്നത്താൽ മൗര്യ സാമ്രാജ്യത്തിൻ്റെ സ്ഥാപകനായി.B C 325 ൽ പാടലീപുത്രം ആസ്ഥാനമാക്കിക്കൊണ്ട് അദ്ദേഹം ഭരണമാരംഭിച്ചു.ചന്ദ്രഗുപ്തൻ റ പുത്രനായ ബിന്ദുസാരൻB C298 ൽ ചക്രവർത്തിയായി. ബിന്ദുസാരൻ്റെ പുത്രനായ അനന്തരാവകാശിയായത് BC 273 ലാണ്. അദ്ദേഹം കലിംഗയുധത്തിനു ശേഷം ബുധമതാനുയായി. അങനെ ബുധമതം ദേശീയ മതമായി പ്രഖ്യാപിക്കപ്പെട്ടത് ചരിത്രത്തിലെ ഒരു വഴിത്തിരിവായിത്തീർന്നു. മാത്രമല്ല വി പ്രമ തം ഒരു രണ്ടാം സ്ഥാനത്തേക്ക് തള്ളപ്പെടുകയും ചെയ്തു. അത് അഗണ്യതയുടെ അഗാധതയിലേക്ക് നിപതിച്ചു.അതോടു കൂടി ഏതാണ്ട് നൂറ്റി നാല്പത് കൊല്ലക്കാലം അതിൻ്റെ അനുയായികൾ ഒരു അധ:സ്ഥിതിവർഗ്ഗമായി നരകിക്കേണ്ടതായും വന്നു. വർണ്ണ ബാഹ്യ രാൽ ഭരിക്കപ്പെട്ടിരുന്ന ആ സാമ്രാജ്യംB C 183 വരെ നിലനിന്നിരുന്നതായി ചരിത്ര രേഖകൾ ചൂണ്ടിക്കാട്ടുന്നു. ഇന്ത്യാ ചരിത്രത്തിൽ മറ്റനേകം ആദി ശൂദ്രരാജവംശങ്ങളുടെ ചിത്രങ്ങൾ കാണാൻ കഴിയും. കോ കിളിയെന്ന ചോള രാജാവ് ഒരു നാഗരാജകുമാരിയെയാണ് വിവാഹം ചെയ്തത്.രാജേന്ദ്രചോളനും ഒരുനാഗപുത്രിയെ പരിണയിച്ചു. AD921ൽ ഒറീസയിലെ ഭാമൻ രാജവംശത്തിലെ ശ്രീ ഭുവന മഹാദേവിയെ പാണിഗ്രഹണം ചെയ്തു.മഹാരാഷ്ട്രം നാഗരാജാക്കൻമാരാൽ ഭരിക്കപ്പെട്ടിരുന്ന ഒരു നാഗരാജ്യമാണ്. ആന്ര് ധാ പ്രദേശവും അതിൻ്റെ അയൽപ്രദേശങ്ങളും ക്രിസ്തുവിന് ശേഷമുള്ള കാലഘട്ടങ്ങളിൽ നാഗ ഭരണത്തിലായിരുന്നു. നാഗരാജാവായ സ്കന്ദ നാഗൻ ശ ത വാഹന രാജാവായ പുലു മാവിയുടെ ഭരണകാലത്ത് ബില്ലറി ജില്ലയിൽ ആധിപത്യം സ്ഥാപിച്ചിരുന്നതായി രേഖകൾ പറയുന്നു.നാഗൻ എന്ന വിശേഷണം ചേർന്നു കാണുന്ന ഭരണാധികാരികളെല്ലാം ആദി ശൂദ്ര വിഭാഗത്തിൻപ്പെടുന്നവരാണ്. വടക്കേ ഇന്ത്യയിൽ ബീഹാറും ഉത്തർപ്രദേശും ചുറ്റുമുള്ള പ്രദേശങ്ങളും ഒരു കാലത്ത് ആദി ശൂദ്രരായ നാഗൻമാരുടെ അധികാരത്തിൻ കീഴിലായിരുന്നു.(cultural and Civilization - DD Ko sambi, Page 140) ഇന്ത്യയുടെ ഭൂരിപക്ഷം പ്രദേശങ്ങളിലും ഒരു കാലത്ത് ആധിപത്യം സ്ഥാപിക്കുകയും മഹത്തായ ഒരു സംസ്കാരത്തിന് ഉടമകളാക്കുകയും ചെയ്ത ഒരു പൗരാണിക ചരിത്രപരമ്പര്യമുള്ള ആവർണ്ണ ബാഹ്യ വർഗ്ഗത്തിനെ സമൂഹത്തിൻ്റെ അടിത്തട്ടിലേക്ക് ചവിട്ടിത്താഴ്ത്താൻ തത്വചിന്തമെനഞ്ഞത് ഇന്ത്യാ ചരിത്രത്തിലെ ഒരു ചതിക്കുഴി തന്നെയല്ലേ?' എന്തു ചെയ്യാം, കണ്ടതിൻ്റെ നേരെ കണ്ണടക്കാനാവില്ലല്ലോ! ആദികാലത്ത് അധികാരത്തിനും മേധാവിത്വത്തിനും വേണ്ടിയുള്ള മൽപ്പിടുത്തം പലപ്പോഴും യുദ്ധത്താൽ കലാശിക്കുമായിരുന്നു. ഇതിലെ സുരൻമാരാണ് പിൽക്കാലത്ത് ബ്രാന്മണർ ആയത്. എതിർ ചേരിയിലെ ശക്തർ ക്ഷത്രിയരും ഈ ക്ഷത്രിയരിൽ ശൂദ്രരും ഉൾപ്പെട്ടു. ശൂദ്രർ എന്നാൽ ത്രൈവർണ്ണിക വിഭാഗങ്ങൾക്ക് പുറത്തുള്ളവൻ (വർണ്ണബാഹ്യർ ) എന്നാണ് വിവക്ഷ.പിൽക്കാലത്ത് ശൂദ്രർ എന്നൊരു വിഭാഗത്തെ വർണവ്യവസ്ഥയിൽ ഉൾപ്പെടുത്തുകയാണ് ചെയ്തത്. ശൂദ്രരിലെ മറ്റൊരു വിഭാഗം ആദി ശൂദ്രർ അഥവാ വർണ്ണ ബാഹ്യരുമായി. |
Post Top Ad
അക്ഷരം തന്നെ പ്രതിരോധം
Wikipedia
Search results
ഉള്ളടക്കം
എഡിറ്റോറിയല്
(2)
കവിത
(65)
കവിഭാഷ പ്രകാശനം
(4)
കാർട്ടൂണ്
(2)
കാലികം
(4)
ചെറുകഥകൾ
(19)
പരമ്പരകൾ
(21)
പുസ്തകങ്ങൾ
(3)
മിനിക്കഥകൾ
(2)
ലേഖനം
(5)
വായനക്കാരുടെ പ്രതികരണങ്ങൾ
(1)
വിദ്യാസാഹിതി ഓഡിയോബുക്ക്
(142)
വിവർത്തനം കവിത
(1)
സഹായകം
(214)
സ്ളേറ്റ് കുട്ടികളുടെ പേജ്
(1)
ഹാസ്യം
(4)
Monday, May 18, 2020
ഇന്ത്യാ ചരിത്രത്തിൽ ഗോത്ര സാമ്രാജ്യങ്ങളുടെ തിരോധാനം - കെഎൻ കുട്ടി കടമ്പഴിപ്പുറം
Subscribe to:
Post Comments (Atom)
ഏറ്റവും പുതിയ രചന
കവിഭാഷ
സംസ്ഥാനത്തെ എഴുത്തുകാരായ അധ്യാപകരുടെ ഏറ്റവും വലിയ കൂട്ടായ്മയായ വിദ്യാസാഹിതിയില് നിന്നും പ്രസിദ്ധീകരിക്കുന്ന ഡിജിറ്റല് സാഹിത്യ മാസിക.ഇപ്പോള് വെബ് പതിപ്പിലും.
സൃഷ്ടികള് kavibasha2020@gmail.com വിലാസത്തില് അയക്കാം.
എഡിറ്റർ
ശിവപ്രസാദ് പാലോട്
No comments:
Post a Comment