കഥ
അവിശ്വാസം
💙
എം.കൃഷ്ണദാസ്
അവൾക്ക് അത്ഭുതമായി. ഒപ്പം,ഒരേ വണ്ടിയിൽ ആളുകൾ യാത്ര ചെയ്തിരുന്നെന്നു പറഞ്ഞത്.മുഖം മറയ്ക്കാതെയാണ് മനുഷ്യർ നടന്നിരുന്നെന്നു പറഞ്ഞപ്പോൾ.
ആയിരക്കണക്കിനാളുകൾ പങ്കെടുത്തുകൊണ്ടാണ് കല്യാണങ്ങൾ നടന്നിരുന്നെന്നു കേട്ടപ്പോൾ.
പതിനായിരക്കണക്കിനാളുകളുടെ പ്രകടനവും പൊതുയോഗവും നടന്നിരുന്നെന്നു പറഞ്ഞപ്പോൾ,അവൾ ശരിക്കും ചിരിച്ചു.
ജനസഞ്ചയങ്ങളുടെ സാന്നിദ്ധ്യത്തിൽ ഉത്സവങ്ങൾ നടന്നിരുന്നെന്നു പറഞ്ഞപ്പോൾ,അവൾ തലയറഞ്ഞു ചിരിച്ചു.
വീട്ടിലൊരു മുറിയിൽ ആളുകൾ ഒന്നിച്ചു കിടന്നിരുന്നെന്നു പറഞ്ഞപ്പോൾ അവൾ എന്നെ വല്ലാതെ കളിയാക്കി ചിരിച്ചു.വീട്ടിലുള്ളവർ ഒന്നിച്ചിരുന്ന് ഭക്ഷണം കഴിച്ചിരുന്നെന്നു പറഞ്ഞപ്പോൾ അവളെന്നെ അവിശ്വാസത്തോടെ തുറിച്ചുനോക്കി. ദേഷ്യംവന്ന് അവളുടെ കൈയിൽ പിച്ചിയപ്പോൾ ഉടനെ അവൾ,ഞാൻ പിച്ചിയ ഇടത്ത് സാനിറ്റയിസർകൊണ്ട് തുടച്ച്,മറന്ന അകലം പാലിച്ചു കൊണ്ട് നടന്നു.
🔵
No comments:
Post a Comment