വിദ്യാസാഹിതി കവിഭാഷ ഓൺലൈൻ
തുളസി കേരളശ്ശേരി
കവിത
ആതിഥ്യം
'നീ ഒരു ഒട്ടകജന്മമായ്
അടയാളപ്പെട്ടു തുടങ്ങിയിരിക്കുന്നു
നിന്നാല്‍ കൈയ്യേറ്റം ചെയ്യപ്പെട്ട്
ഇടമില്ലാതാവുന്ന ആതിഥേയയായി ഞാനും.
പരാതികള്‍ വിരിച്ചു കിടക്കാനാവില്ല
എന്നറിഞ്ഞിട്ടും
പുഴയവള്‍ വീണ്ടും കരഞ്ഞു പറഞ്ഞത്
കരളലിവില്ലാത്ത കരയോടാണു പോലും..!
അതുകൊണ്ടുതന്നാവുമല്ലേ
അവന്‍,
തന്‍റെ പിന്‍കാലുകളും വാലും കൂടി
അവളിലേക്കു ചുരുട്ടി വച്ച്
ഉറക്കം നടിച്ചു കിടന്നത്...???
No comments:
Post a Comment