കവിത
ശിവപ്രസാദ് കെ വാനൂർ.
ഗഡുക്കൾ
ഈ കാലവും കടന്നുപോകാം
ധൃതിയിൽ നാമറിയാതെ.!
ഈ വ്യാധിയും കടന്നു പോകും
പതുക്കെ, പതുക്കെ നാമറിയാതെ !
കുമ്പിളുകൾ നീട്ടുക തന്നെ വേണം
കുടിച്ചു തീർക്കാൻ നമുക്കു കഞ്ഞികൾ
പ്രതീക്ഷയൊട്ടുമരുത്
പ്രതിദിനം ദിവാസ്വപ്നങ്ങളൊടൊത്ത്
മുഖങ്ങളിൽ നിറങ്ങൾ ചാർത്തിയ നേരങ്ങളിൽ
മൂവന്തി മനോഹരമായി
നഖങ്ങളിൽ ചാർത്തിയ നിറങ്ങളിൽ നഖക്ഷത -
രേഖകൾ കളിയാക്കി നിന്നു
ദാരിദ്യ രേഖകളിൽ നിറഞ്ഞു നിന്നു പല-
പടുരേഖകളും
വൈഡൂര്യങ്ങളൊ
വൈറസൊയെന്നറിയാതെ
പതുങ്ങി നില്ക്കുന്നു
പാമരനും, പണ്ഡിതനും.
മുഖവിലയില്ലാതായി
മുഖപത്രങ്ങളിലെ
വാർത്തകൾക്കിന്നും,
മൂകമായി ജീവിക്കുന്നു
മനുഷ്യഗണങ്ങളിന്നും. !
-ശിവപ്രസാദ് കെ വാനൂർ.
No comments:
Post a Comment