ഒന്നാം ലക്കം എഡിറ്റോറിയല്‍

എഡിറ്റോറിയല്‍

ലോകം ഇന്ന് അകലത്തിന്റേതാണ്. അപ്പോൾത്തന്നെ അടുപ്പത്തിന്റേതുമാകുന്നു.

വിലക്കുകളുടെതാണ്. അതേസമയം കരുതലുകളുടേതുമാകുന്നു. സാമൂഹിക അകലം സമ്പർക്കവിലക്ക് തുടങ്ങിയവ തന്നെയാണ് ഇന്ന് നമ്മെ നിലനിർത്തുന്നത്. എല്ലാ

പ്രശ്നങ്ങളിൽ നിന്നും നാം നിരന്തരം കൈ കഴുകിക്കൊണ്ടിരിക്കുന്നു.

ഭൗതികമായി നാം കൂടുതൽ കൂടുതൽ അവനവനിലേക്ക് ചുരുങ്ങേണ്ടിയിരിക്കുന്നു.

            ആതുരകാലത്തെ മനുഷ്യരാശി മറികടക്കാൻ ശ്രമിക്കുന്നത് ചങ്ങലകൾ

മുറിക്കുന്നതിലൂടെയും കൂട്ടായ്മകൾ കുറയ്ക്കുന്നതിലൂടെയുമാണ്.  അപ്പോൾ

മാനവസമൂഹത്തിന്റെ മുന്നിലുള്ള വെല്ലുവിളി എങ്ങിനെ സാമൂഹ്യജീവിയായി

നിലനില്ക്കാം എന്നതു തന്നെയാണ്. മഹാമാരിയോടൊപ്പം തന്നെ എങ്ങിനെ

ജീവിതത്തെ മുന്നോട്ടു കൊണ്ടുപോകാം എന്നു തന്നെയാണ്. അകലം

സൂക്ഷിച്ചുകൊണ്ടുതന്നെ അടുപ്പം കാണിക്കാൻ നാം പഠിക്കേണ്ടിയിരിക്കുന്നു.

അതാണ് പ്രതിരോധത്തിന്റെ കേരളീയ മുഖം. ഇവിടെ എല്ലാരും അകന്നിരിക്കുമ്പോഴും

ഒപ്പമാണ്. ഒറ്റപ്പെടുമ്പോളും ഒന്നിച്ചാകുമ്പോളും അക്ഷരവും വായനയുമാണ്

നല്ല പ്രതിരോധവും സാന്ത്വനവും.

                             

എഡിറ്റർ

         ശിവപ്രസാദ് പാലോട്