കവിഭാഷ പ്രകാശനക്കുറിപ്പ് കുരീപ്പുഴ ശ്രീകുമാർ

കവിഭാഷ എന്ന ഡിജിറ്റല്‍ മാസികയുടെ ഒന്നാം ലക്കമാണിത്.ആദ്യം വിരിഞ്ഞ പൂവ്.

മുതിര്‍ന്നവര്‍ക്കും കുട്ടികള്‍ക്കും പ്രത്യേക പരിഗണന.

പൊതു ഇടത്തില്‍ പന്ത്രണ്ടു കവിതകളും ഏഴു കഥകളും മൂന്നു ലേഖനങ്ങളും ഉണ്ട്.

കലാലയ വിദ്യാര്‍ത്ഥികള്‍ക്കായി നീക്കി വച്ചിട്ടുള്ള താളുകളില്‍ രണ്ടു കവിതകളുണ്ട്.

സ്ക്കൂള്‍ വിദ്യാര്‍ഥികളുടെ രണ്ടു കവിതകളും കവിഭാഷയിലുണ്ട്. സ്ക്കൂള്‍ വിദ്യാര്‍ത്ഥികളുടെ രചനകള്‍ പ്രത്യേകം ശ്രദ്ധിക്കേണ്ടതാണ്.

വ്യവസായ ശാലകളിലെയും വാഹനങ്ങളിലെയും മറ്റും കുഴലുകള്‍ പുക തുപ്പാതായ ഈ അടച്ചിടല്‍ക്കാലത്ത് അന്തരീക്ഷം തെളിഞ്ഞു. പഞ്ചാബില്‍ നിന്ന് നോക്കിയാല്‍ ഹിമാലയം കാണാമെന്നായി. ഈ വര്‍ത്തമാനകാല വാസ്തവമാണ് ഒരു വിദ്യാര്‍ഥിനി മനോഹരമായി അവതരിപ്പിച്ചിട്ടുള്ളത്.

പുസ്തകപരിചയവും കാരിക്കേച്ചറും ചിത്രാങ്കണവും ഈ ഡിജിറ്റല്‍ മാഗസിനില്‍ ഉണ്ട്.

കവിഭാഷ, ശാസ്ത്ര സാങ്കേതിക വിദ്യയുടെ വിജയമുഖമാണ്.സയന്‍സിനെ സ്നേഹിക്കുന്ന ഒരു എളിയ കവി എന്ന നിലയില്‍ വളരെ സന്തോഷത്തോടെ കവിഭാഷ പ്രകാശനം ചെയ്യുന്നു

കുരീപ്പുഴ ശ്രീകുമാർ.